ჯანდაცვის მინისტრის განცხადებით, ამ ეტაპზე არ მიმდინარეობს მსჯელობა საქართველოში ვაქცინიზაციის პროცესის სავალდებულოდ გამოცხადების შესახებ.

„ამ ეტაპზე სავალდებულო ვაქცინაციაზე ჩვენ არ ვმსჯელობთ, თუმცა შეიძლება, დადგეს მომენტი, როდესაც ვაქცინაცია გარკვეული სეგმენტის წარმომადგენლებისთვის, როგორც სხვა ქვეყნებში, ასევე ჩვენთანაც დადგეს პრაქტიკად. მაგრამ მე დარწმუნებული ვარ, რომ შეიძლება, ავირიდოთ მსგავსი მოთხოვნები და დავალებები სახელმწიფოს მიმართ“, – განაცხადა ეკატერინე ტიკარაძემ.

შეგახსენებთ, ბოლო 24 საათის განმავლობაში საქართველოში 5.000-ზე მეტი ახალი შემთხვევა გამოვლინდა, ხოლო კორონავირუსისგან გარდაცვლილთა მაჩვენებელმა რეკორდულ ნიშნულს მიაღწია, გარდაცვლილია 54 ადამიანი.