5 კგ-მდე ნარკოტიკი და 11 ლიტრამდე ფსიქოაქტიური ნივთიერება – telegram-სელერები დააკავეს

0
412

საერთო ჯამში, 5 კგ-ზე მეტი ნარკოტიკული საშუალება და 11 ლიტრამდე ახალი ფსიქოაქტიური ნივთიერება უკრაინის მოქალაქისგან – შსს-მ ტელეგრამის ქსელში მოქმედი სელერების ჯგუფის წევრები გაშიფრა და დააკავა.

დადგინდა, რომ უკრაინის მოქალაქეს საქართველოში უკანონოდ შემოჰქონდა ნარკოტიკული საშუალება და ახალი ფსიქოაქტიური ნივთიერება, რომელიც თხევადი სახით იყიდება. დაკავებული, 26 წლის უკრაინის მოქალაქე ნარკოტიკსა და ფსიქოაქტიურ ნივთირებებს ლოკაციებზე ანთავსებდა და შემდეგ ჰყიდდა ისე, რომ თვითონ არ ჩანდა.

დანაშაული 8-დან 20 წლამდე ვადით ან უვადო თავისუფლების აღკვეთას ითვალისწინებს.

სამართალდამცველებმა, 36 წლის ვ.ზ.-ის პირადი ჩხრეკისას, 5 ლიტრზე მეტი ახალი ფსიქოაქტიური ნივთიერება ამოიღეს.

რაც შეეხება 1995 წელს დაბადებულ ი.ბ.-ს, გამოძიებით დადგინდა, რომ იგი დაკავშირებული იყო სოციალურ აპლიკაცია “ტელეგრამში” არსებულ ნარკორეალიზატორთა ორგანიზებულ ჯგუფთან და საქართველოში ნარკოტიკული საშუალების უკანონო შემოტანას და ლოკაციებზე განთავებას ახდენდა.

პოლიციამ ი.ბ. თბილისში დააკავა. მისი პირადი ჩხრეკისას ამოღებულია 4 ცალი პლასტმასის ბოთლი, რომლებშიც მოთავსებული იყო 5 ლიტრამდე ახალი ფსიქოაქტიური ნივთიერება.

2001 წელს დაბადებული ე.ი. და 2000 წელს დაბადებული ნ.ნ. ცენტრალური კრიმინალური პოლიციის დეპარტამენტის თანამშრომლებმა, კახეთის პოლიციის დეპარტამენტის თანამშრომლებთან ერთად, ნარკოდანაშაულისთვის დედოფლის წყაროს მუნიციპალიტეტში დააკავეს.

სამართალდამცველებმა, ე.ი.-ს და ნ.ნ.-ს პირადი ჩხრეკისას, დიდი ოდენობით სხვადასხვა სახის ნარკოტიკი ამოიღეს. ბრალდებულების სარგებლობაში არსებული ავტომანქანის ჩხრეკისას კი ამოღებულია 4 კილოგრამამდე ნარკოტიკული საშუალება ,,ოპიუმი“ და ,,ჰეროინის“ შემცველი 1 კილო და 600 გრამი ნარკოტიკული ნივთიერება.

პოლიციამ სულ ნივთმტიცებად ამოიღო: 5 კილო და 500 გრამი ნარკოტიკული საშუალება და 10 ლიტრი და 896 გრამი ახალი ფსიქოაქტიური ნივთიერება.

შსს-ს ცნობით, გამოძიება საქართველოს სისხლის სამართლის კოდექსის 260-ე მუხლით მიმდინარეობს.

წინა სტატია30 ივლისიდან საქართველოს უმეტეს ნაწილში გამოიდარებს
შემდეგი სტატიაალასკის სანაპიროზე 8.2 მაგნიტუდის სიმძლავრის მიწისძვრა მოხდა
ტელეკომპანია ოდიშის საინფორმაციო სამსახური