აზერბაიჯანის საგანგებო ვითარებების სამინისტრო აცხადებს, რომ იძიებს 4 ივლისს კასპიის ზღვაში გაჩენილ ხანძარს, რომელიც ძლიერი აფეთქებისშედეგად წაროიშვა, თუმცა არ აქვს ინფორმაცია, რა გავლენა იქონია ამან ნავთობის და გაზის ოფშორულ ობიექტებზე.
სამინისტრო აცხადებს, რომ განცხადება გაავრცელა ზღვაზე გაჩენილი ხანძრის ამსახველი ფოტოების გამო, რომლებიც ინტერნეტში 4 ივლისის საღამოს გამოჩნდა.
სამინისტრო აცხადებს, რომ ხანძრის გარშემო მიმდინარეობს გამოძიება.
აზერბაიჯანის საინფორმაციო სააგენტო APA ავრცელებს ნავთობის სახელმწიფო კომპანია SOCAR-ის პრესმდივნის, იბრაჰიმ აჰმადოვის სიტყვებს, რომ აფეთქება მოხდა უმიდის გაზის ობიექტიდან დაახლოებით 10 კილომეტრის მოშორებით – რაც 75 კილომეტრის მოშორებითაა ბაქოს სანაპიროდან.