შსს ავრცელებს ვიდეომასალას და ოპერატიულ ჩანაწერს, სადაც სატელეფონო დიალოგია ასახული და რითაც მტკიცდება, რომ თბილისში ერთი კაცი მეორეს, დღის განმავლობაში მოწყალების თხოვნას აიძულებდა და პერიოდულად ამოწმებდა, რა თანხა დააგროვა.
შსს-მ გამოძიებით დაადგინა, რომ:
“ბრალდებულმა გ.ჩ.-მ მატერიალური სარგებლის მიღების მიზნით შეიმუშავა ადამიანით ვაჭრობის (ტრეფიკინგის) გეგმა. იგი 1976 წელს დაბადებულ ნ.ჩ.-ს სისტემატურად უწევდა შრომით ექსპლუატაციას, კერძოდ, დამცირებით, აბუჩად აგდებით და ფიზიკური ძალადობის გამოყენების მუქარით, აიძულებდა თბილისის სხვადასხვა ქუჩებში, ყოველდღიურად მოწყალება ეთხოვა. ბრალდებული ნ. ა.-ს მიერ აღნიშნული გზით შეგროვებულ თანხებს ისაკუთრებდა.
ტრეფიკინგის ფაქტზე გამოძიება სისხლის სამართლის კოდექსის 143 პრიმა მუხლის პირველი ნაწილით მიმდინარეობს”, – ნათქვამია შსს-ს განცხადებაში.
შსს-ს მიერ გავრცელებული ვიდეოკადრები და სატელეფონო ჩანაწერი შეგიძლიათ ნახოთ აქ.
