სირიაში შეერთებული შტატების სამხედრო ძალების წინააღმდეგ სარაკეტო თავდასხმა განახორციელეს. ინფორმაციას CNN სირიაში აშშ-ის სამხედრო პოლკოვნიკზე დაყრდნობით ავრცელებს.
მათი ინფორმაციით, თავდასხმა მას შემდეგ განხორციელდა, რაც აშშ-მ ერაყსა და სირიაში ირანის მიერ მხარდაჭერილი სამხედრო დაჯგუფებები დაბომბა.
“სირიაში აშშ-ის ძალების მიმართ რამდენიმე სარაკეტო თავდასხმა განხორციელდა. დაშავებული არავინაა, მიმდინარეობს ზარალის შეფასება”,- თქვა სირიაში აშშ-ის მისიის წარმომადგენელმა.
პოლკოვნიკ უინ მაროტოს არ დაუკონკრეტებია, ვინ არის პასუხისმგებელი სარაკეტო თავდასხმაზე.
შეგახსენებთ, გუშინ 28 ივნისს ინფორმაცია გავრცელდა, რომ აშშ-მ ერაყსა და სირიაში ირანის მიერ მხარდაჭერილი სამხედრო დაჯგუფებების წინააღმდეგ საჰაერო თავდასხმა დაიწყო. პენტაგონის ინფორმაციით, გასროლა “ოპერაციული და იარაღის შესანახ” ობიექტზე განხორციელდა.