მთავარისიახლეებიმსოფლიოქაბულის მთავრობა აშშ-ს ჯარების გასვლის შემდეგ, შესაძლოა, 6-12 თვეში დაეცეს.

ქაბულის მთავრობა აშშ-ს ჯარების გასვლის შემდეგ, შესაძლოა, 6-12 თვეში დაეცეს.

Published on

“ავღანელებს საკუთარი თვითონ მოუწევთ გადაწყვიტონ საკუთარი მომავალი, თუ რა სურთ. უგუნური ძალადობა უნდა შეწყდეს” – თქვა ჯო ბაიდენმა ავღანელ კოლეგებთან შეხვედრის დროს. მისი თქმით, ქვეყნიდან ჯარების გამოყვანის მიუხედავად, აშშ ავღანეთის მთავრობის მიმართ თანადგომას შეინარჩუნებს.

25 ივნისს აშშ-ს პრეზიდენტი ჯო ბაიდენი ავღანეთის პრეზიდენტ აშრაფ ღანისა და მის ყოფილ პოლიტიკურ კონკურენტს, აბდულა აბდულას შეხვდა. შეხვედრა თეთრ სახლში ჩატარდა და განიხილებოდა აშშ-ს მხარდაჭერის საკითხი ავღანეთის მიმართ.

ავღანეთის პრეზიდენტის, აშრაფ ღანის თქმით, ავღანეთის სამთავრობო ძალებმა თალიბანისგან ექვსი რაიონი დაიბრუნეს. ასევე, მან თქვა, რომ ავღანურ-ამერიკული ურთიერთობები ახალ დონეზე გადადის.

საუბრის დაწყებამდე, ჯო ბაიდენმა ამ დღეებში აშშ-ს კონგრესს სთხოვა $3.3 მილიარდის გამოყოფა ავღანეთის უსაფრთხოებისთვის, ამას გარდა აშშ ავღანეთს 3 მილიონ დოზა Covid-19-ის ვაქცინას გაუგზავნის. ამ ყველაფრის მიუხედავად, ამერიკულმა მხარემ ნათლად აჩვენა, რომ ქვეყნიდან ჯარების გამოყვანის პროცესს არ შეაჩერებს.

პარალელურად, ავღანეთში დაძაბული სიტუაციაა და თალიბანი უფრო და უფრო იმყარებს გავლენას და იკავებს რაიონებს. რამდენიმე დღის წინ ცნობილი გახდა აშშ-ს დაზვერვის დასკვნა, რომლის მიხედვითაც, ქაბულსი მთავრობა აშშ-ს ჯარების გასვლის შემდეგ, შესაძლოა, 6-12 თვეში დაეცეს.

თალიბანმა და აშშ-მ შეთანხმება 2020 წლის თებერვალში, ტრამპის ადმინისტრაციის დროს გააფორმეს. შეთანხმების მიხედვით იწყებოდა შიდაავღანური მოლაპარაკებები, აშშ-ს კი გაჰყავდა ჯარები. ჯარების გაყვანის ბოლო ვადა 2021 წლის 1-ელი მაისი იყო. ჯო ბაიდენის გაპრეზიდენტების შემდეგ ჯარის გაყვანის ბოლო ვადა 2021 წლის 11 სექტემბრისთვის გადაიდო.

თალიბანის დაწინაურების გამო, აშშ ჯარების გაყვანის შენელებას და ბაგრამის ავიაბაზის დროებით შენარჩუნებას განიხილავს.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...