ხობში მომხდარი ტრაგედიის შესახებ, რომელსაც ორი წლის ა.გ.-ს სიცოცხლე შეეწირა, დამატებითი დეტალები ხდება ცნობილი. უფრო კონკრეტულად, ცნობილი გახდა, რომ ა.გ. სახლის ეზოში მდგარ გასაბერ აუზში საღამოს საათებში, მაშინ ჩავარდა, როცა აუზიდან სათამაშოს ამოღებას ცდილობდა. ამ დროს დედა და ბებია შინ იყვნენ, მაგრამ აუზში ბავშვის ჩავარდნის მომენტი გამოეპარათ, როცა მოიძიეს, ბებიამ შეამჩნია, რომ ის აუზში იყო ჩავარდნილი.
“სასწრაფოდ გადაიყვანეს ხობის საავადმყოფოში, მაგრამ უკვე ძალიან გვიანი იყო”, – ამბობს მეზობელი. საავადმყოფოში კი განმარტავენ, რომ ბავშვი საავადმყოფოში შემოყვანისას უკვე გარდაცვლილი იყო.
ა.გ. დედასთან და მამასთან ერთად ხობის რაიონის სოფელ საჯიჯაოში ცხოვრობდა. მას უფროსი ძმაც ჰყავს. ტრაგედიის დღეს დედა-შვილი ბავშვის ბებიასთან იმყოფებოდნენ სტუმრად.
შეგახსენებთ, ხობში, 2 წლის ბავშვი გასაბერ აუზში ჩავარდა და დაიხრჩო. შემთხვევა 23 ივნისს მოხდა.
მომზადებულია “პრაიმტაიმის” მიხედვით