უეფას ადმინისტრაცია Euro 2020-ში მონაწილე საფეხბურთო კლუბებსა და სპორტსმენებს მიმართავს თხოვნით  შეწყვიტონ სტრატეგიულად განთავსებული სპონსორი კომპანიების ბოთლების გადაადგილება.

“წესების დაცვა აუცილებელია, რადგან სპონსორი კომპანიების შემოსავლები მნიშვნელოვანია აღნიშნული ტურნირისა და ევროპული ფეხბურთისათვის”. – თქვა ტურნირის ხელმძღვანელმა, მარტინ კალენმა.

უეფას მიმართვა კრიშტიანუ რონალდუს,  მოლ პოგბამს და მანუელ ლოკატელის მოქმედებით გამოწვეულ მოვლენებს უკავშირდება,კოკა-კოლის ბოთლების დემოსტრატიულ გადადებას განზე და  და სანაცვლაოდ წყლის ბოთლის დადგას.

ამ მოქმედებას კოკა-კოლის აქციების მკვეთრი ვარდნა მოჰყვა, რის შედეგადაც კომპანიის საბაზრო კაპიტალიზაცია თითქმის 6 მილიარდი დოლარით შემცირდა.

ზუსტი მონაცემები ცნობილი არ არის, თუმცა უეფა ტოპ 10 დამფინანსებლიდან თითქმის 600 მილიონ დოლარს იღებს. კოკა-კოლა და ჰაინეკენი კი Euro 2020-ის მთავარი სპონსორები არიან.

ანალიტიკოსების შეფასებით, ცნობილ სახეებს დიდი გავლენა აქვთ როგორც მომხმარებლებზე, ასევე საფონდო ბირჟებზე. მათი მხრიდან ნეგატიური შეფასება ან ქმედება, როგორც წესი, აქციების ფასებზე შესაბამისად აისახება ხოლმე.