ზუგდიდში, ცენტრალური ბაზრის უკან, კედიას (ყოფილი გეგეჭკორის) ქუჩაზე მომუშავე გარემოვაჭრეები მუშაობის უფლებას ითხოვენ, როგორც ისინი აცხადებენ, მათ მერიის ზედამხედველობის სამსახური დახლების გაშლის უფლებას არ აძლევს. გარემოვაჭრეების თქმით, მერია მხოლოდ მათ უკრძალავს გარევაჭრობას, ხოლო ბაზრის გარეთ, სხვა პერიმეტრზე მოვაჭრეები კი ადგილზე რჩებიან. გარემოვაჭრეების აყრის პროცესს ადგილზე დაპირისპირება და ხმაური მოყვა, რა დროსაც ერთ-ერთი მოვაჭრისთვის სასწრაფო ბრიგადის გამოძახება გახდა საჭირო. გარემოვაჭრეების აყრის პარალელურად აქცია გამართეს ბაზრის შიდა მოვაჭრეებმა, რომლებმაც გარევაჭრობის აკრძალვის მოთხოვნით გზა გადაკეტეს. ადგილზე მობილიზებულია პოლიცია, ცენტრალური გზა რამდენიმე წუთის განმავლობაში პარალიზებული იყო, თუმცა, სამართალდამცავებმა აქციის მონაწილეები გზიდან გაიყვანეს და მხოლოდ ამის შემდეგ მიეცა ავტომანქანებს გადაადგილების შესაძლებლობა.
ბაზრის გარეთა პერიმეტრზე მოვაჭრეებს გარევაჭრობის უფლებას არ აძლევენ, შიდამოვაჭრეები კი აქციას მართავენ [Video]
Published on