საქართველოს რკინიგზამ 2020 წელი 164 მილიონიანი ზარალით დაასრულა — ნათქვამია თიბისი კაპიტალის კვლევაში. როგორც ანგარიშიდან ირკვევა,
საქართველოს რკინიგზამ 2020 წელს 157 მილიონი დოლარის შემოსავალი მიიღო, რაც გასული წლის შემოსავლებზე 17 მილიონი დოლარით ნაკლებია.
როგორც სტატისტიკა აჩვენებს,2019 წელთან შედარებით შემცირებულია თითქმის ყველა სახის ხარჯი, გარდა ხელფასებისა და ფინანსური დანახარჯებისა. 2020 წელს, 2019 წელთან შედარებით, საქართველოს რკინიგზამ ხელფასებზე 9,9 მილიონით მეტი, 170,5 მილიონი ლარი გასცა. რაც შეეხება ფინანსურ ხარჯებს, ამ მხრივ წლიური ზრდა 149,7%-ს, ანუ 191,8 მილიონ ლარს შეადგენს და 319,9 მილიონ ლარს უტოლდება.
შეგახსენებთ, რომ სს საქართველოს რკინიგზა ქვეყნისთვის სტრატეგიული მნიშვნელობის კომპანიაა, რომლის 100%-იანი წილის მფლობელი საქართველოს საპარტნიორო ფონდია. აღსანიშნავია, რომ კომპანია ბოლო რამდენიმე წელია, რაც წაგებაზე მუშაობს. საქართველოს რკინიგზამ 2017 წელს — 354,1 მილონი, 2018 წელს — 716,5 მილიონი, ხოლო 2019 წელს 5,6 მილიონი ლარი იზარალა