ვიეტნამში აღმოაჩინეს კორონავირუსის ახალი შტამი, რომელიც კორონავირუსის ე.წ. ინდური და ბრიტანული შტამის ჰიბრიდია.
ახალი ვარიანტი წინა ვარიანტებთან შედარებით უფრო გადამდებია, ვირუსი სწრაფად მრავლდება და სწორედ ამიტომ დადასტურდა მოკლე ხანში ბევრი ახალი შემთხვევა სხვადასხვა ადგილას. ამის შეახებ ვიეტნამის ჯანდაცვის მინისტრმა ნგუნ თან ლონგმა 29 მაისს განაცხადა
“გენეტიკური სეკვენირების შემდეგ იმ პაციენტების ნიმუშებიდან, რომლებსაც ვირუსი ახლახან დაუდასტურდათ, აღმოვაჩინეთ ახალი ვარიანტი, რაც ინდური და ბრიტანული შტამების ნაზავია. უფრო კონკრეტულად, ეს არის ინდური ვარიანტი მუტაციით, რომელიც თავდაპირველად ბრიტანული ვარიანტის მუტაცია იყო”. – თქვა მინისტრმა.
ვიეტნამში კორონავირუსის 6 396 შემთხვევაა დადასტურებული, ვირუსს 47 პაციენტი ემსხვერპლა. ქვეყანაში 97 მილიონი ადამიანი ცხოვრობს.