ისრაელის თავდაცვის ძალებმა 17 მაისს იერიში მიიტანეს ჰამასის ცხრა ლიდერის საცხოვრებლებზე.
“სახლები, რომლებსაც თავს დავესხით, ტერორისტების ინფრასტრუქტურას წარმოადგენდა და ზოგ მათგანში იარაღის საცავებიც კი იყო”. – ამბობს ისრაელის არმია.
სახლებს შორის იყო რამდენიმე ასმეთაურისა და დანაყოფების მეთაურების საცხოვრებლები.
ასევე, 17 მაისს ისრაელის თავდაცვის ძალებმა კიდევ ერთხელ დაბომბეს ჰამასის მიწისქვეშა გვირაბებიც, რომლებსაც დაჯგუფება საბრძოლო მიზნებისთვის იყენებს. ამჯერად დაბომბილი გვირაბების მონაკვეთის სიგრძე 15 კილომეტრს აღწევდა.
“თავდასხმის ფარგლებში, 20 წუთში 35 სამიზნეს დავარტყით”. – ამბობს ისრაელის თავდაცვის ძალები.
გვირაბების დაბომბვაში მონაწილეობა 54-მა თვითმფრინავმა მიიღო.
“ეს თავდასხმა იყო ისრაელის თავდაცვის ძალების ფართო ოპერაციის ნაწილი ჰამასის მიწისქვეშა სისტემის მნიშვნელოვნად დასაზიანებლად”. – ამბობს ისრაელის თავდაცვის ძალები.
პარალელურად ღაზის სექტორიდან გრძელდება ჰამასის სარაკეტო თავდასხმები ისრაელის მიმართულებით.