ზუგდიდის ცენტრში 18 ცენტრალური ქუჩა ისევ გადათხრილია, წყლის მილების არასწორი დაქსელვის გამო, ქუჩების ხელახალი რეაბილიტაცია მიმდინარეობს. კოსტავასა და კიდევ სხვა 17 ქუჩის რეაბილიტაციისთვის ,,აზიის განვითარების ფონდმა’’ 220 მილიონი ლარი გამოყო, თუმცა პროექტი წლებია დაუსრულებელია და ხელისუფლების მხრიდან კონკრეტული თარიღი, თუ როდის დასრულდება გზების რეაბილიტაცია -არ არსებობს. ცენტრალური ქუჩის მაღაზიებსა და აფთიაქებში მომუშავე ადამიანებისთვის კი მტვერი დიდ პრობლემას წარმოადგენს, რის გამოც ხშირად უწევთ დაკეტილ სივრცესი მუშაობა.
აღნიშნულ ქუჩებზე, პარალერულად მიმდინარეობს საკანალიზაციო ქსელის მოწყობითი სამუშაოები , რაც აფერხებს გზების რეაბილიტაციას, გარდა ამისა, კოსტავას ქუჩაზე იყო გრუნტის პრობლემა. ქუჩის რეაბილიტაციისთვის საჭირო სამუშაოები კი მომავალი კვირიდან აღდგება.
უნდა აღინიშნოს, რომ კოსტავას ქუჩაზე,სადაც მიმდინარეობს გზების რებილიტაცია, მდებარეობს ,,ევექსის’’ პოლიკლინიკა, სადაც კოვიდ ინფექციის საწინააღმდეგო ვაქცინაცია ტარდება, გართულების შემთხვევაში კი სასწრაფო სამედიცინო დახმარების მანქანას პაციენტის საავადმყოფოში გადაყვანა ამ გზით მოუწევს.