ალექსეი ნავალნისთან დაკავშირებული ანტიკორუფციული ორგანიზაცია KBF მუშაობას საქართველოდან გააგრძელებს მას შემდეგ, რაც რუსეთის სასამართლომ მას ექსტრემისტული ორგანიზაციის საბაბით საქმიანობა აუკრძალა.
გამოცემა RBC საკუთარ წყაროზე დაყრდნობით წერს, რომ KBF-ის რამდენიმე წარმომადგენელი საქართველოში უკვე გადავიდა, მათ შორის გეორგი ალბუროვი, რუსლან შავედინოვი და რამდენიმე ტექნიკური პერსონალი.
ამავე წყაროს ცნობით, თბილისში აგზავნიან ტექნიკასაც მაუწყებლობის ორგანიზების მიზნით.
გავრცელებული ინფორმაციით, Navalny LIVE-ის სტუდია მოეწყობა თბილისში, ან მის მიმდებარე ტერიტორიაზე.