25 წელი გავიდა დამოუკიდებელი ჩეჩნეთის პირველი პრეზიდენტის – ჯოხარ დუდაევის გარდაცვალებიდან. ამ დღესთან დაკავშირებით ზუგდიდის ცენტრალურ ბულვარში, ზვიად გამსახურდიას ძეგლთან შეიკრიბნენ ეროვნული მოძრაობის აქტიური მონაწილეები და პატივი მიაგეს ჯოხარ დუდაევის ხსოვნას.
ცნობისთვის, ჯოხარ დუდაევი იყო საქართველოს პირველი პრეზიდენტის ზვიად გამსახურდიას მეგობარი. ამასთანავე, ზვიად გამსახურდია საქართველოდან წასვლის შემდეგ არ მიიღო არც სომხეთმა, არც ჩეხეთმა, მიიღო მხოლოდ ჩეჩნეთმა, მიიღო ჯოხარ დუდაევმა. ზვიად გამსახურდია ერთადერთი ქრისტიანია, რომელიც ყველანაირი ქრისტიანული წესის დაცვით დამარხეს მუსულმანურ სამყაროში, არც მანამდე და არც ამის შემდეგ ასეთი რამ არ მომხდარა.