ინოვაციური რეფორმებისადმი მასწავლებელთა ნდობის განმტკიცებისა და მოტივაციის ამაღლების ხელშეწყობის მიზნით აშშ საერთაშორისო განვითარების სააგენტოს (USAID) საბაზისო განათლების პროგრამა ატარებს რეგიონულ კონკურსებს მასწავლებლების განსაკუთრებული მიღწევების გამოსავლენად. ამ ღონისძიების მიზანია მასწავლებლების წახალისება, რაც ხელს შეუწყობს მათ მიერ სწავლების ეფექტური პრაქტიკის დანერგვას, მათი საქმიანობის სტიმულირებას და მოსწავლეების აკადემიური მიღწევების გაუმჯობესებას.პროგრამის სურვილია, წაახალისოს გამორჩეული დამწყები პედაგოგებიც მათი მიღწევების აღიარებით, რათა მათ გააგრძელონ პროფესიული საქმიანობა. ამ მიზნით პროგრამა დააჯილდოებს მათემატიკის ან კითხვის (მშობლიური ენისა და ლიტერატურის) საუკეთესო დამწყებ მასწავლებელს.სამეგრელო-ზემო სვანეთის რეგიონში USAID საბაზისო განათლების პროგრამის პარტნიორია შოთა მესხიას ზუგდიდის სახელმწიფო სასწავლო უნივერსიტეტი. სწორედ უნივერსიტეტის ტრენერები წაახალისებენ და დაეხმარებიან თავიანთი სკოლების გამორჩეულ პედაგოგებს შეკრიბონ და წარსადგენად მოამზადონ ნომინაციის პაკეტი. სკოლა გადასცემს ნომინაციის პაკეტს ტრენერს, რომელიც უზრუნველყოფს კანდიდატების პროგრამისთვის მიწოდებას. ტრენერებმა უნდა წარმოადგინონ მხოლოდ განსაკუთრებული, გამორჩეული პედაგოგების პაკეტები. ამისათვის ტრენერებს აქვთ ვადა 30 აპრილამდე.
რეგიონული კონკურსები მასწავლებლების განსაკუთრებული მიღწევების გამოსავლენად [Video]
Published on