ენგურის გადმოლახვის დროს დაღუპული ცოლ-ქმარი ოკუპირებულ გალში გადაასვენეს [Video]

0
256

მდინარე ენგურის გადმოლახვის დროს დაღუპული ცოლ-ქმარი, მშობლიურ სოფელში დღეს გადაასვენეს. ცხედრები ენგურის ხიდამდე  ახლობლებმა და მოქალაქეებმა  გააცილეს, ოკუპირებულ ტერიტორიაზე კი მათ ოჯახის წევრები, მეზობლები და ნათესავები დახვდებიან, მათ შორის  მცირეწლოვანი შვილები,    რომელთაგან ყველაზე უმცროსი 7 წლისაა.

კიდევ ორი გარდაცვლილი ოკუპირებულ  გალში უკვე გადაასვენეს. ოთხივე მათგანი 2 დღის წინ  სოფელ შამგონასა და ორსანტიის მიმდებარედ იპოვეს. დაღუპულები ზუგდიდში პროდუქტების საყიდლად, სოციალური დახმარების ასაღებად და ერთ-ერთი ოჯახისთვის, რომელსაც შვილიშვილი შეეძინა, საჩუქრების საყიდლად ცდილობდნენ გადმოსვლას. გალში მცხოვრებ მოსახლეობას ენგურის ხიდზე გადმოსვლა შეზღუდული აქვს მას შემდეგ, რაც ერთი წლის წინ საქართველოში კოვიდ 19-ის პირველი შემთხვევა დაფიქსირდა და აფხაზეთის დე-ფაქტო ხელისუფლებამ ერთადერთ გადასასვლელი ჩაკეტა. ახლა კი ოკუპირებული აფხაზეთიდან გადმოსვლის შემთხვვაში მოქალაქეებს  საქართველოს ხელისუფლების მიერ დაწესებული 5 დღიანი კარანტინის გავლა უწევთ, რაც მათ პირობებს მორგებული არ არის.

წინა სტატიასაქართველოს პრეზიდენტმა პარლამენტში ყოველწლიური ანგარიში წარადგინა
შემდეგი სტატიადღეს დილით, უინძორის სასახლეში ელისაბდ დედოფლის მეუღლე პრინცი ფილიპი გარდაიცვალა
ტელეკომპანია ოდიშის საინფორმაციო სამსახური