“ენგური საზღვარი არ არის!” – ზუგდიდში აქცია გაიმართა [Video]

0
1004

“ჩვენ ვარსებობთ””ვსწავლობთ ქართულად, ვაზროვნებთ ქართულად, ვფიქრობთ ქართულად””კარანტინი გვახრჩობს!” “ენგური საზღვარი არ არის!””აფხაზეთში ჩემი სახლია” – ამ გზავნილებით ზუგდიდსა და თბილისში დღეს აქცია ერთდრიულად გაიმართა. აქცია თბილისში გალელმა ახალაგზარდებმა დააანონსეს.

“დიახ, ჩვენ გვტკივა აფხაზეთი, დიახ, არ არის ენგური საზღვარი და გვარხჩობს კარანტინი, რასაც სამწუხაროდ ჩვენი ოჯახის წევრების სიცოცხლე ეწირება, სწორედ ამის გამო მოხდა 7 აპრილის ტრაგედია ენგურზე. მოვუწოდებთ ხელისუფლებას, რომ გადახედოს კარანტინის წესებს და გააუქმოს ის ენგურის ხიდზე. იქ, აფხაზეთში ჩვენი მოქალაქეები ცხოვრობენ, რომელთაც ყველაზე მეტად სჭირდებათ ყურადღება და თანადგომა”- განაცხადა აქციის ერთ-ერთმა მონაწილლემ მაკო ჭკადუამ.

აქცია მას შემდეგ დაიგეგმა, რაც 7 აპრილს ენგურში 4 ადამიანის ცხედარი იპოვეს. დაღუპულები ზუგდიდში პროდუქტების საყიდლად, სოციალური დახმარებისა და ერთ-ერთი ოჯახისთვის, რომელსაც შვილიშვილი შეეძინა, საჩუქრების საყიდლად ცდილობდნენ გადმოსვლას.

წინა სტატია“ერთიანი ნაციონალური მოძრაობის” წევრებმა 9 აპრილს დაღუპულ გმირებს პატივი მიაგეს [Video]
შემდეგი სტატია“1989 წლისთვის დამახასიათებელი იყო სიმამაცე, თავგანწირვა და თავისუფლებისთვის თავის მიძღვნა”. -კელი დეგნანი
ტელეკომპანია ოდიშის საინფორმაციო სამსახური