ზუგდიდში ოქროს ბირჟის ყაჩაღობაში ბრალდებული 24 წლის მამაკაცის ახლობლები და ოჯახის წევრები იმ პოლიციელების უმკაცრესად დასჯას მოითხოვენ, რომლებიც დევნის პროცესში იღებდნენ მონაწილეობას. ოჯახის ახლობლები აცხადებენ, რომ პოლიციამ ძალებს გადაამეტა და ახალგაზრდა მამაკაცი სასიკვდილოდ გაიმეტა.
შეგახსენებთ, რომ ზუგდიდის ცენტრში ოქროს ბირჟა 26 თებერვალს დღის პირველ ნახევარში დააყაჩაღეს. თვითმხილველების თქმით, შენობაში შესულ პირს იარაღი ქონდა, მან ოქროები გამოიტანა და ადგილიდან მიიმალა. პოლიციამ მალევე დევნის ოპერაცია დაიწყო. დევნის დროს ყაჩაღობაში ბრალდებული კი ცეცხლსასროლი იარაღიდან მიყენებული ჭრილობით ადგილზე დაიღუპა. მომხდარზე პოლიციელის მხრიდან ძალის გადამეტების ფაქტზე გამოძიება დაწყებულია სახელმწიფო ინსპექტორის სამსახურის მიერ.