პარტია “ლელო საქართველოსთვის” ზუგდიდის რეგიონული ოფისის ხელმძღვანელმა ალექსანდრე ახვლედიანმა ბრიფინგი გამართა, თემით „პოლიტიკურად მოტივირებული დევნა“, სადაც გამოეხმაურა ნიკა მელიასთვის სადეპუტატო იმუნიტეტის, უფლებამოსილების შეჩერებას და შესაძლო დაკავებას. ახვლედიანის განცხადებით, თუკი ნიკა მელიასთვის უკანონოდ თავისუფლების აღკვეთა მოხდება, ისინი მზად არიან გაერთიანებული ოპოზიციის მიერ დაგეგმილ ყველა საპროტესტო აქციაში მიიღონ მონაწილეობა.
ასევე, ისინი უერთდებიან ქალთა ორგანიზაციის მიერ დაგეგმილ აქციას „ 1000 მშობლის მარში“, რომელიც 26 თებერვალს არის დაგეგმილი.
შეგახსენებთ, რომ პროკურატურამ პარლამენტს უკვე მიმართა და საკანონმდებლო ორგანო ნიკა მელიასთვის სადეპუტატო იმუნიტეტისა და უფლებამოსილების შეჩერებაზე ხვალ, 16 თებერვალს, იმსჯელებს.
