თეთრი სახლის წარმომადგენლების თქმით, პრეზიდენტი ჯო ბაიდენი აღადგენს დონალდ ტრამპის მიერ მოგზაურობაზე გაუქმებულ აკრძალვებს. კორონავირუსის გავრცელების შესაჩერებლად კვლავ დაწესდება შეზღუდვები ბრიტანეთიდან, ბრაზილიიდან, ირლანდიიდან და ევროპის ქვეყნების დიდი ნაწილიდან მომავალი მოქალაქეობის არმქონე მგზავრებისათვის.
შეზღუდვები გაფართოვდება და გავრცელდება სამხრეთ აფრიკაში ნამყოფ პირებზეც, ვინაიდან სწორედ აქ დაფიქსირდა კორონავირუსის ახალი შტამი.
სამოგზაურო შეზღუდვა, რომელიც ევროპის ქვეყნებს გასული წლის მარტში დაუწესდათ, დონალდ ტრამპმა პრეზიდენტობის ბოლო დღეებში მოხსნა.