ბადრი ესებუას ძმას კორონავირუსი დაუდასტურდა-მდგომარეობა მძიმეა. ზუგდიდში, გასული წლის 21 ოქტომბერს “საქართველოს ბანკის” ფილიალზე შეიარაღებულ თავდასხმაში ბრალდებულ ბადრი ესებუას ძმას, ბიძინა ესებუას, რომელიც, ასევე ბრალდებულია და სასჯელს ქუთაისის ნომერ მეორე სასჯელაღსრულების დაწესებულებაში იხდის, covid 19 დაუდასტურდა. დაკავებულის უფლებადამცველმა იოსებ ჯანაშიამ განაცხადა, რომ მასთან ერთად საკანში მყოფი 6 პატიმარი იზოლაციაში იმყოფება და დაწესებულებაში კარანტინია გამოცხადებული. ადვოკატის თქმით, ბიძინა ესებუას ჯანმრთელობის მდგომარეობა მძიმეა და დაცვა აღკვეთი ღონისძიების გადახედვის შუამდგომლობით სასამართლოს კვლავ მიმართავს. ცნობისთვის, ბიძინა ესებუა შსს-ს თანამშრომლებმა 4 დეკემბერს დააკავეს.მას გამოძიება ცეცხლსასროლი იარაღისა და ასაფეთქებელი ნივთიერების შეძენა, შენახვა- ტარებას ედავება.