წალენჯიხის ბაზარში მოვაჭრეები საგადასახადო სამსახურის თანამშრომლებს ფულის მოპარვაში ადანაშაულებენ. ბაზარში დასაქმებულების თქმით, როცა საგადასახადო სამსახური ბაზარში რეიდს ახორციელებს და მათ ჩანთებს ამოწმებს, შემდეგ ფული იკარგება. მოვაჭრეებს ეჭვი აქვთ რომ მათ ფულს ისინი იპარავენ, რადგან ეს პირველი შემთხვევა არ არის და ფული სწორედ იმ დროს იკარგება, როცა საგადასახადო პოლიცია კონტროლს იწყებს.