სენაკში 40 პაციენტზე გათვლილი ახალი კოვიდკლინიკა გაიხსნა ამის შესახებ ჟურნალისტებს ინფორმაცია სამეგრელო-ზემო სვანეთის სახელმწიფო რწმუნებულის მოვალეობის შემსრულებელმა მალხაზ თორიამ განუცხადა, მისივე განმარტებით რეგიონში ამჟამად 6 კოვიდკლინიკა ფუნქციონირებს.
ამასთანავე, სახელმწიფო რწმუნებულის მოვალეობის შემსრულებელმა ჟურნალისტებს არსებული შეზღუდვების შედეგად რეგიონში გაუმჯობესებულ ვითარებაზე ესაუბრა და მოქალაქეებს რეკომენდაციების მაქსიმალური დაცვისკენ მოუწოდა.
თორიასვე განცხადებით, ბოლო 24 საათის განმავლობაში სამეგრელო-ზემო სვანეთის რეგიონის მასშტაბით კორონავირუსით ინფიცირების 199 შემთხვევა დაფიქსირდა და 4 პაციენტი გარდაიცვალა. ხოლო არსებულ კოვიდ კლინიკებში მკურნალობის კურსს გადის 297 პაციენტი, მათ შორის საშუალო სიმძიმისაა 94 პაციენტი, 27 კოვიდ პაციენტის მდგომარეობა კი მძიმეა.
რეგიონის მასშტაბით სულ საკარანტინე სივრცეში იმყოფება – 69 ადამიანი. ამასთანავე, ბოლო 24 საათის განმავლობაში რეგიონის მასშტაბით გამოჯანმრთელდა 295 პაციენტი.