სოფელი ჯუმი ერთ-ერთია იმ სოფლებს შორის სადაც ახალი ბაღი შენდება, რომელიც 50 აღსაზრდელზეა გათვლილი. საბავშვო ბაღი თანამედროვე სტანდარტების შესაბამისი და შშმ პირებისთვის ადაპტირებული იქნება. პროექტს საქართველოს მუნიციპალური განვითარების ფონდი ახორციელებს და მისი ღირებულება 800 000 ლარამდეა.
მუნიციპალიტეტში 110 აღსაზრდელზე გათვლილი ახალი საბავშვო ბაღი უკვე აშენდა ანაკლიაში. ახალი საბავშვო ბაღი შენდება ზუგდიდში, ლაღიძის ქუჩაზეც. მომავალ წელს ახალი საბავშვო ბაღები აშენდება ჭითაწყარში, რუხში, შამგონასა და დარჩელში.