მთავარისიახლეებისამართალიამნისტია მათთვის, ვინც მისაღებია ხელისუფლებისათვის, პოლიტპატიმრები ამ კატეგორიას არ მიეკუთვნებიან

ამნისტია მათთვის, ვინც მისაღებია ხელისუფლებისათვის, პოლიტპატიმრები ამ კატეგორიას არ მიეკუთვნებიან

Published on

დღეს საქართველოს პარლამენტში ინიცირებული იქნა საქართველოს კანონპროექტი ამნისტიის შესახებ

ადამიანის უფლებათა კომიტეტის თავმჯდომარის მიხეილ სარჯველაძის თქმით, კანონპროექტი ითვალისწინებს იმ პირთა განთავისუფლებას სისხლის სამართლის პასუხისმგებლობისგან და შესაბამისი სასჯელისგან, რომელთაც 2020 წლის 11 დეკემბრამდე ჩაიდინეს ამ კანონპროექტით გათვალისწინებული ცალკეული დანაშაული.

“წარმოდგენილი კანონპროექტი, ზემოაღნიშნული მიდგომების მიხედვით, მოიცავს საკმაოდ დიდ ჩამონათვალს დანაშაულებისა, რომელიც დაექვემდებარება ამნისტიას. ეს არის ქურდობა, ფალსიფიკაცია, ქონების დაზიანება, სხეულის დაზიანების ზოგიერთი კატეგორია, ნარკოდანაშაული (გასაღების გარდა) და ა.შ. ამნისტია შეეხება სულ 44 მუხლით გათვალისწინებულ დანაშაულს”, მაგრამ არ შეეხება ისეთ მძიმე დანაშაულებს, როგორიცაა მკვლელობა, ოჯახური ძალადობა და სხვა. — აცხადებს ის.

მისივე განცხადებით, ის პირები, რომელთაც მისჯილი აქვთ უვადო თავისუფლების აღკვეთა 260-ე მუხლის მიხედვით, სასჯელის ფორმა შეეცვლებათ ვადიან თავისუფლების აღკვეთად.

ხელისუფლების  ინიცირებული კანონპროექტი არ შეეხება პოლიტპატიმრებს კერძოდ იმ  მუხლის კონკრეტულ კვალიფიკაციასაც, რომლითაც სასამართლო კლანმა ციხეში გაუშვა “მთავარი არხის” დამფუძნებელი გიორგი რურუა. 

გარდა ამისა, ოცნების მორიგი ამნისტია არ შეეხება არც კარტოგრაფების საქმეს, რადგან ნატალია ილიჩოვას და ივერი მელაშვილს პროკურატურა სახელმწიფოს წინააღმდეგ ჩადენილ დანაშაულს ედავება.

კანონპროექტის ავტორი, სარჯველაძე ამბობს, რომ ქვეყანაში პოლიტპატიმრები საერთოდ არ არიან,ხოლო პარლამენტის თავმჯდომარე ამბობს, რომ კანონპროექტი იმისთვის არ არის ინიცირებული, რომ “ოპოზიციას რამე ჟესტი გაუკეთოს” ხელისუფლებამ.

სარჯველაძის განცხადებით, ეს ინიციატივა საპარლამენტო განხილვას გაივლის და წარმოადგენს საფუძველს დისკუსიებისა და კონსულტაციების დასაწყებად

სიახლეები

რევაზ ნადარაიამ დარბაზი მაია კოპალეიშვილსაც დაატოვებინა

ხმაურის და სიტყვიერი დაპირისპირების ფონზე საკონსტიტუციო სასამართლოს თავმჯდომარე რევაზ ნადარაიამ მაია კოპალეიშვილი სხდომათა დარბაზიდან...

ნიკა გვარამია საკონსტიტუციო სასამართლოს სხდომათა დარბაზიდან გააძევეს

საკონსტიტუციო სასამართლოს თავმჯდომარე რევაზ ნადარაიამ „კოალიცია ცვლილებისთვის“ ლიდერი ნიკა გვარამია სხდომის დარბაზიდან გააძევა. „საკონსტიტუციო სასამართლოს...

განგაშის ზარი უნდა დავრეკოთ, რომ ასე გაგრძელება უკვე აღარ შეიძლება. თავისი შესაძლებლობა სრულად ამოწურა, ამ ხელისუფლებამ – მეუფე იობი

„მშვიდობის ნიღბის ქვეშ ყველაფერი იყიდება. მშვიდობა შეგვინარჩუნა ამ ხელისუფლებამ, მაგრამ ვხედავთ, რომ ახალგაზრდების გადინებაა...

პირადი ცხოვრების საიდუმლოს ხელყოფის ფაქტზე ერთი პირი დააკავეს

პირადი ცხოვრების საიდუმლოს ხელყოფის ფაქტზე ერთი პირი დააკავეს. ინფორმაციას ამის შესახებ პროკურატურა ავრცელებს. უწყების ცნობით,...