ზუგდიდში მცხოვრები 360 დევნილი ახალი საცხოვრებელი ფართის მფლობელი გახდა. მათ ბინების გასაღები საქართველოს ოკუპირებული ტერიტორიებიდან დევნილთა, შრომის,ჯანმრთელობისა და სოციალური დაცვის მინისტრმა ეკატერინე ტიკარაძემ გადასცა.

ზუგდიდში დამატებით კიდევ 600 ოჯახისათვის 5 კორპუსის მშენებლობა მიმდინარეობს.ბინების გადანაწილების შემდგომ სამეგრელოში მე-3 და მე-4 კატეგორიის ნგრევადი ბინები, სადაც იძულებით გადაადგილებულები ცხოვრობდნენ, დაიხურება.

ბოლო 8 წლის განმავლობაში სამეგრელოში 22 655 დევნილს ბინა გადაეცა.