სამშვიდობო შეთანხმების დადების შემდეგ მთიან ყარაბაღში საბრძოლო დაპირისპირება მოხდა – 13 დეკემბერს აზერბაიჯანის თავდაცვის სამინისტრომ გაავრცელა განცხადება, რომ დაღუპულია 4 აზერბაიჯანელი ჯარისკაცი ისინი იმ ადგილას მოკლეს, რომელსაც უკვე აზერბაიჯანელები აკონტროლებენ.
მათი თქმით, ტერიტორიაზე რუსი სამშვიდობოების განლაგების შემდეგ ეს პირველი დანაკარგია.
თავის მხრივ, სომხეთის ხელისუფლება ამბობს, რომ მათი მხრიდან ექვსი ადამიანი დაიჭრა – უცნობია, ზუსტად როდის, თუმცა სომხეთი მომხდარში აზერბაიჯანს ადანაშაულებს.
სომხეთის თავდაცვის , აზერბაიჯანულმა მხარემ მთიან ყარაბაღში, ძველი თაღარისა და ცხაბერდის მიმართულებით, სამხედრო მოქმედებები გუშინ განაახლა და აზერბაიჯანი ცეცხლის შეწყვეტის შეთანხმების უხეშ დარღვევაში დაადანაშაულა. მათ უმოქმედბაში არაპირდაპირ დაადანაშაულეს რუსული სამშვიდობო ძალებიც, თუმცა ასევე განაცხადეს, რომ სომხეთის, რუსეთისა და აზერბაიჯანის სამხედრო პირებს შორის მოლაპარაკებები მიმდინარეობს, რათა ჰადრუთში არსებული სიტუაცია მოგვარდეს და მხარეები ადრინდელ პოზიციებს დაუბრუნდნენ.
აზერბაიჯანის სახელმწიფო უშიშროების სამსახურის თქმით, “აზერბაიჯანული მხარის და რუსი სამშვიდობოების წინააღმდეგ უსაფუძვლო ბრალდებები სომხეთის ზოგიერთი ლიდერის და მედიის მიერ” მიუღებელია.