დაისაჯონ თამარ ბაჩალიაშვილის მკვლელები – ამ მოწოდების პეტეციაზე ხელმოწერებს სთხოვს საზოგადოებას გარდაცვლილი პროგრამისტის ოჯახი. ადვოკატის, მიხეილ რამშვილის თქმით, გამოძიება ცდილობს თვითმკვლეობამდე მიყვანის მუხლით დაასრულოს საქმე, რაც შეიძლება მალე. რამიშვილი ამბობს, რომ თუ ეს რეალურია, ის მაინც უნდა დაადგინოს გამოძიებამ ვინ მიიყვანა 23 წლის გოგო ამ მდგომარეობამდე.
შეგახსენებთ, რომ თამარ ბაჩალიაშვილი 18 ივლისს გაუჩინარდა. 23 წლის პროგრამისტი თეთრიწყაროს რაიონში მაწევნის ტყეში, საკუთარ მანქანაში გარდაცვლილი იპოვეს. გამოძიების ვერსიით, ბაჩალიაშვილის სიკვდილი დიდი რაოდენობით მედიკამენტების მიღებამ გამოიწვია.