შინაგან საქმეთა მინისტრი ვახტანგ გომელაური არ გამორიცხავს, რომ ბადრი ესებუა საერთაშორისო ძებნილად გამოცხადდეს

,,ამ ეტაპზე ზუგდიდში საქართველოს ბანკზე თავდასხმის შესახებ მიმდინარე გამოძიების ფარგლებში მიმდინარეობს ბადრი ესებუას ადგილსამყოფელის დადგენისა და დაკავების ღონისძიებები და აუცილებლად გაცნობებთ, როგორც კი დავაკავებთ“, – თქვა გომელაურმა მედიის კითხვების პასუხად.  

შეგახსენებთ, რომ 21 ოქტომბერს ზუგდიდში, საქართველოს ბანკის ფილიალში შეიარაღებული პირი შეიჭრა, რომელმაც მძევლები აიყვანა, სპეცრაზმს რამდენიმესაათიანი წინააღმდეგობა გაუწია, საკუთარი მოთხოვნები წამოაყენა, მოგვიანებით კი ხელყუმბარითა და ოფიციალური ინფორმაციით, ნახევარ მილიონი დოლარით, რამდენიმე მძევალთან ერთად ბანკის შენობა დატოვა და მიიმალა.

შინაგან საქმეთა მინისტრმა უპასუხა აგრეთვე ჟურნალისტების შეკითხვებს გახშირებული კრიმინალის შესახებ ზოგად პლანში.

„სად გახშირდა, აბა, მითხარით. ერთი შემთხვევა იყო და დავაკავეთ ეს ადამიანი. გახშირდა არის – ათი და ოცი რომ მოხდება. ბანკებში ყაჩაღობის შემთხვევები ყოველ წელს ხდებოდა და ხდება. ხელყუმბარით შევარდნის ფაქტს რაც შეეხება, დავაკავეთ ეს ადამიანი, რა თქმა უნდა“, – განაცხადა შინაგან საქმეთა მინისტრმა.მან ამ კონტექსტში თბილისში, წერეთელზე მომხდაეი მიკროსაფინანსოზე თავდასხმა ახსენა და აღნიშნა, რომ პოლიციამ ლევან ზურაბაშვილი დააკავა.