მთავრობის გადაწყვეტილებით 28 ნოემბრიდან ქვეყნის მასშტაბით მგზავრების რეგულარული საქალაქთაშორისო გადაყვანა აიკრძალა, კანონი შეეხო რკინიგზით, ავტობუსითა და სამარშრუტო ტაქსით მოძრაობას . შეზღუდვები არ ვრცელდება მსუბუქ ავტომობილებსა და ტაქსებზე. თუმცა, მოსახლეობას, რომელსაც ძირითადად სოფლიდან უწევს გადაადგილება, პრობლემას წარმოადგენს ყოველდღიურად ტაქსისთვის თანხის გამოყოფა. მათი თქმით, პანდემიიდან გამოწვეულ რთულ ეკონომიკურ ფონს, კიდევ უფრო აზარალებს ახალი სატრანსპორტო კანონი. სატრანსპორტო საშუალებებზე შეზღუდვები სხვა რიგ შეზღუდვენბთან ერთად 2 თვის ვადით, 31 იანვრის ჩათვლით იმოქმედებს. თუმცა, ამ პერიოდის განმავლობაში უცნობია, ხალხის საჭიროებისა და რეკომენდაციების დაცვით, შემსუბუქდება თუ არა ეს კანონი.