ბუენოს აირესის მერიამ დიეგო მარადონას კუბო პრეზიდენტის სასახლიდან, სადაც იგი იყო დასვენებული, ჩუმად გადაიტანა, რომ ლეგენდარული ფეხბურთელის საბოლოო სავანესთან ხელის შეხების მოსურნე თაყვანისმცემელთაგან განერიდებინა .
გუშინ სასახლესთან ათიათასობით ადამიანი შეიკრიბა, რომელიც პოლიციის კორდონის გარღვევასა და სასახლეში შეჭრას ლამობდა, რასაც ჭყლეტა და უსწესრიგობა მოყვა. პოლიცია იძულებული გახდა მათ შესაჩერებლად რეზინის ტყვიები და წყლის ჭავლი გამოეყენებინა
შეტაკება პოლიციასთან დაიწყო მაშინ, როცა გამოცხადდა, რომ ოჯახის თხოვნით სამოქალაქო პანაშვიდი 16: 00 საათზე შეწყდებოდა. აღშფოთებული ხალხის დასაშოშმინებლად დამშვიდობების რიტუალი კიდევ ერთი საათით გაგრძელდა.
გულდამწვარი დაემშვიდობნენ ფეხბურთის ლეგენდას დიდი პელე და მესი. ,,იგი გვტოვებს, მაგრამ არსად მიდის, რადგან დიეგო მარადიულია. მე შევინახავ გულში ჩვენს მიერ ერთად განცდილ მშვენიერ წამებს, თაბაგიგრძნობთ მისყველა ახლობელსა და გულშემატკივარს.- განაცხადა მესიმ.
დიეგო მარადონა გუშინ დაკრძალეს მშობლების გვერდით, ბუენოს-აირესის კერძო სასაფლაოზე. ოფიციაური გლოვა დასრულდა, მაგრამ ეს ტრაგედია კვლავ პირველი ნიუსია მედია სივრცეში.
პრესის ფურცლებიდან არ ჩამოსულა დამწუხრებული პელეს ფოტო მარადონას საფლავის ქვასთან და მისი გამოსათხოვარი სიტყვა: ,,იმედია მე და დიეგო კიდევ ავკენწლავთ ბურთს სადმე, ცაში”