გამკაცრდება თუ არა შეზღუდვები ქვეყანაში და რა ბედი ელის ახალი რეგულაციების მომლოდინე ბიზნეს-სექტორს საქართველოში. ეკონომიკური კრიზისიდან ჯერ კიდევ ვერგამოსული სექტორი მეორე ლოქდაუნს, როგორც სფეროს წარმომადგენელები ამბობენ, ვეღარ გაუძლებს და კიდევ უფრო გაკოტრდება. შეზღუდვები, სავარაუდოდ, დიდ სავაჭრო ცენტრებს, ტრანსპორტსა და სილამაზის სალონებს შეეხება. ესთეტიკურ ცენტრებსა და სალონებში გაზრდილი მომსახურების მიუხედავად, ერთ დროს შემოსავლიანი ბიზნესი უკვე თავს ვეღარ ირჩენს. ბიზნესის წარმომადგენლები ამბობენ, რომ ძალიან დიდი ნაწილი ამ შეზღუდვებს ვეღარ გაუძლებს და დაიხურება.
ქვეყანაში კორონავირუსის პანდემიის გამო საგანგებო მდგომარეობა 21 მარტს გამოცხადდა, რამდენიმეთვიანმა შეზღუდვებმა ქვეყნის ეკომონიკას უდიდესი ზიანი მიაყენა. დაიხურა რესტორნები, კაფე-ბარები, ხელოვნების ცენტრები, უმუშევრად ათასობით ადამიანი დარჩა. დღესაც ქვეყანა წერტილოვანი შეზღუდვების მოლოდინშია – ბიზნესი კი გამოსავლის პოვნას უშედეგოდ ცდილობს.