მთავარისიახლეებიმსოფლიოUNICEF-ი მომავალ წელს COVID-19-ის 2 მილიარდ ვაქცინას მიაწვდის 92 განვითარებად ქვეყანას.

UNICEF-ი მომავალ წელს COVID-19-ის 2 მილიარდ ვაქცინას მიაწვდის 92 განვითარებად ქვეყანას.

Published on

გაეროს ბავშვთა სააგენტომ 23 ნოემბერს განაცხადა, რომ „გრანდიოზული ოპერაციის“ ფარგლებში UNICEF-ი მომავალ წელს COVID-19-ის 2 მილიარდ ვაქცინას და 1 მილიარდ შპრიცს მიაწვდის 92 განვითარებად ქვეყანას.

UNICEF-ი, როგორც ვაქცინების უმსხვილესი შემსყიდველი, ეპიდემიების წინააღმდეგ საბრძოლველად ყოველწლიურად 2 მილიარდ დოზა სხვადასხვა ვაქცინას ყიდულობს, ასამდე ქვეყანაში გეგმური იმუნიზაციის ჩასატარებლად.

ამ რაოდენობის COVID-19-ის ვაქცინის მიწოდებისთვის საჭირო ლოგისტიკური საკითხების მოსაგვარებლად UNICEF-ი თანამშრომლობს ასობით საჰაერო, სახმელეთო და საზღვაო გადაზიდვების გლობალურ კომპანიასთან.

„ასეთ უპრეცედენტო თანამშრომლობას დიდი მნიშვნელობა აქვს ამ ისტორიული და გრანდიოზული ოპერაციის განსახორციელებლად აუცილებელი სატრანსპორტო პოტენციალის უზრუნველყოფისთვის“, – განაცხადა UNICEF-ის მომარაგების განყოფილების ხელმძღვანელმა, ეტლევა კადილიმ.

მსოფლიოს უდიდესი ეკონომიკების მქონე სახელმწიფოებმა 22 ნოემბერს პირობა დადეს, რომ „ძალისხმევას არ დაიშურებენ“ COVID-19-ის საწინააღმდეგო ვაქცინების სამართლიანი გავრცელებისთვის და მათი „ყველა ხალხისთვის“ ხელმისაწვდომობისთვის. დიდი ოცეულის (G20) წევრი ქვეყნები ასევე აცხადებენ, რომ მხარდაჭერას აღმოუჩენენ სუსტ პოზიციებზე მყოფ ქვეყნებს, რომელთა ეკონომიკებსაც პანდემიამ მძლავრი დარტყმა მიაყენა.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...