შინაგან საქმეთა სამინისტროს ინფორმაციით, ყოფილი ცოლის დაჭრაში ბრალდებული წარსულში ნასამართლევი კაცი დაკავებულია გამოძიების ინფორმაციით, თბილისში, კარფურის გლდანის ფილიალში მომუშავე ქალს 1983 წელს დაბადებული თ.პ-ს მისსავე სამსახურში ყოფილი ქმარი მიეჭრა და საკანცელარიო დანით ყელში დაჭრა. ქალი საავადმყოფოშია გადაყვანილი და როგორც ექიმები აცხადებენ, მის სიცოცხლეს ამჟამად საფრთხე არ ემუქრება.

როგორც შსს იტყობინება, დაკავებული 44 წლისაა, წარსულში ნასამართლევი. ბრალდებულის მიმართ გამოწერილი იყო შემაკავებელი ორდერი. რამაც ის ვერ შეაჩერა

შემაკავებელი ორდერით გათვალისწინებული მოთხოვნებისა და ვალდებულებების შეუსრულებლობისა და ოჯახის წევრის მიმართ განხორციელებული განზრახ მკვლელობის მცდელობის ფაქტებზე გამოძიება 11 პრიმა 381-ე პრიმა მუხლის 1-ლი ნაწილით და 11 პრიმა-19-109-ე მუხლის მე-2 ნაწილის “ვ” ქვეპუნქტით მიმდინარეობს.

დანაშაული 13-დან 17 წლამდე ვადით თავისუფლების აღკვეთას ითვალისწინებს.