მთავარისიახლეებისაზოგადოება"შეურიგებლობის მანიფესტი" - სხვადასხვა პროფესიის წარმომადგენლები მიმდინარე პროცესებს აპროტესტებენ

“შეურიგებლობის მანიფესტი” – სხვადასხვა პროფესიის წარმომადგენლები მიმდინარე პროცესებს აპროტესტებენ

Published on

სხვადასხვა პროფესიის წარმომადგენლებმა დღეს ქვეყანაში მიმდინარე პროცესები ვილნიუსის სკვერში გააპროტესტეს. მათ ხელი მოაწერეს “შეურიგებლობის მანიფესტს”, მხარდაჭერა გამოუცხადეს ოპოზიციურ პარტიებს და მოუწოდეს მოქალაქეებს, რომ შემოუერთდნენ ამ ბრძოლას.

ერთ-ერთი ხელმომწერი იყო ეროვნული ბანკის ყოფილი პრეზიდენტი, გიორგი ქადაგიძე, რომელმაც განაცხადა, რომ ეს ბრძოლა მხოლოდ პოლიტიკური პარტიების არ არის და იგი აერთიანებს იმ ადამიანებს, რომელთათვისაც დემოკრატიული განვითარება მნიშვნელოვანია. მისი თქმით, დღევანდელი ღონისძიებით ისინი აჩვენებენ იმას, რომ იმ პროცესებთან შეგუება, რაც ქვეყანაში მიმდინარეობს “შეუძლებელია”.

მანიფესტი თანახმად, ხელმომწერები:

  • მოწოდებენ თითოეულ მოქალაქეს, შემოუერთდნენ სამართლიან ბრძოლას და დადგნენ ისტორიის სწორ მხარეს.
    “ყველას უნდა გვახსოვდეს, რომ ხელისუფლების წყარო ვართ ჩვენ — ხალხი და სწორედ ჩვენ უნდა გადავწყვიტოთ, როგორ სახელმწიფოში გვსურს ცხოვრება”, — ნათქვამია მანიფესტში.
  • მხარს უჭერენ ოპოზიციური პოლიტიკური პარტიების ძალისხმევას, მოუწოდებენ მათ შეინარჩუნონ მტკიცე ერთობა და ყველა მშვიდობიანი და სამართლებრივი საშუალებით დაიცვან საქართველოს ამომრჩეველთა უმრავლესობის ნება.
  • მოუწოდებენ საერთაშორისო ორგანიზაციებსა და საქართველოს პარტნიორებს, დაიკავონ მკაფიო, ერთმნიშვნელოვანი პოზიცია საქართველოს დემოკრატიული განვითარების დასაცავად.
  • მოწოდებენ საქართველოს ხელისუფლებას, გაიაზროს მათ მიერ შექმნილი კრიზისის კრიტიკულობა. გაიაზროს ის, რომ ჩამოშლილ სახელმწიფოს ისინი არ შეეგუებიან.

გარდა ამისა, ხელმომწერები ამბობენ, რომ 31 ოქტომბერს ჩატარებული არჩევნებით მმართველმა გუნდმა მოსახლეობას “ხელიდან გამოგლიჯა” არჩევანის ფუნდამენტური, კონსტიტუციური უფლება.

ხელმომწერებს შორის, ასევე, იყვნენ სამოქალაქო აქტივისტები, ჟურნალისტები, მუსიკოსები.

სიახლეები

უკრაინის ანტიკორუფციულმა სასამართლომ პროკურორს არახამიას წინააღმდეგ საქმის აღძვრა დაავალა

4 ნოემბერს უკრაინის უმაღლესმა ანტიკორუფციულმა სასამართლომ გენერალურ პროკურორ ანტონ კოვალსკის "ანტიკორუფციული მოქმედების ცენტრის" (AntAC)...

ივანიშვილი საქართველოში ისრაელის ელჩს შეხვდა

ივანიშვილი საქართველოში ისრაელის ელჩს შეხვდა ინფორმაციას ქართული ოცნება ავრცელებს: „ქართული ოცნების“ დამფუძნებელი და საპატიო თავმჯდომარე,...

იტალია უკრაინისთვის სამხედრო დახმარების ახალ პაკეტს ამზადებს

Reuters-ის ცნობით, იტალია უკრაინისთვის სამხედრო დახმარების მორიგ, მე-13 პაკეტს ამზადებს, რომელიც მიმდინარე წელს პირველი...

4 ოქტომბრის საქმეზე მსჯავრდებულმა ნანა სანდერმა საპატიმრო დატოვ

ნანა სანდერმა N6 პენიტენციური დაწესებულება დატოვა.  4 ოქტომბრის საქმეზე მსჯავრდებულმა საპროცესო შეთანხმება გააფორმა. საპროცესო შეთანხმება...