“Promise Me, Dad” – “დამპირდი, მამა”

0
416

ჯო ბაიდენი 28 წლის იყო, როცა პირველად იყარა კენჭი აშშ-ს სენატში და 29 წლის ასაკში დელავერის შტატის სენატორი გახდა. არჩევნებში გამარჯვებიდან ძალიან მალე ავტოკატასტროფაში დაკარდა მეუღლე და მცირეწლოვანი შვილი, რამაც, როგორც თავად ჯო წერს სამუდამოდ შეცვალა მისი ცხოვრება.

ხანგრძლივი დეპრესიისა და მენტალური რეაბილიტაციის შემდეგ ბაიდენი სენატში დაბრუნდა, სადაც 40 წლის განმავლობაში, 100- ზე მეტ კანონპროექტს მოაწერა ხელი, ეთნიკური, გენდერული და ეკონომიკური თანასწორობის შესახებ. ამ პერიოდის განმავლობაში მან სამჯერ იყარა კენჭი პრეზიდენტის პოსტზე, თუმცა წარუმატებლად. 2015 წელს, სიმსივნესთან მრავალწლიანი ბრძოლის შემდეგ ჯომ კიდევ ერთი შვილი დაკარგა, ბოუ ბაიდენი, რამაც, როგორც ყველა ფიქრობდა ჯოს პოლიტიკური კარიერა საბოლოოდ დაასრულა.

2017 წელს ბაიდენმა გამოსცა წიგნი, სახელად -“Promise Me, Dad” “დამპირდი, მამა”, სადაც ის საუბრობს შვილებთან ურთიერთობაზე და იმ პირად სირთულეებზე, რომელიც მან 75 წლის განმავლობაში გადალახა. ტრაგედიით, იუმორით და მაინც იმედით სავსე წიგნს, ჯო ასრულებს დიალოგით, რომელიც მას შვილთან, გარდაცვალებამდე 1 თვით ადრე, არლინგტონის საავადმყოფოში ჰქონდა, სადაც ბოუ ბაიდენი მას ართმევს პირობას: “მამა, დამპირდი, რომ მიუხედავად იმისა თუ როგორი რთული იქნება რეალობა, არასდროს მისცემ შიშსა და სასოწარკვეთილებას უფლებას გაიმარჯვოს შენზე. დამპირდი, რომ იმედგაცრუება ვერასდროს შეძლებს შენს დამარცხებას. დამპირდი, რომ იზრუნებ ჩვენს ოჯახზე, ჩემს შვილებზე და ყველაფერზე რაც ერთად შევქმენით. დამპირდი, რომ ყოველთვის იპოვი მიზეზს ბრძოლის გასაგრძელებლად. დამპირდი, რომ არასოდეს დანებდები. დამპირდი, რომ გახდები ის, ვინც ყოველთვის მინდოდა ყოფილიყავი- შეერთებული შტატების პრეზიდენტი”

ავტორი რამაზ გამზარდია

წინა სტატიასაოკუპაციო ხაზთან მცხოვრები ახალგაზრდებისთვის ახალი პროექტი იწყება
შემდეგი სტატიაპუტინისთვის გადახდილი მადლობის შემდგ ზურაბიშვილი არ ჩანს, “ოცნების” ხელისუფლებამ რუსეთს საქართველოს საჰაერო სივრცე გაუხსნა
ტელეკომპანია ოდიშის საინფორმაციო სამსახური