ზუგდიდში, „ქართული მარშის“ ზუგდიდის მაჟორიტარი დეპუტატობის კანდიდატმა გიორგი გაბედავამ, „ქართული ოცნებისა“ და „ნაციონალური მოძრაობის“ ოფისებს შორის აქცია-პერფორმანსი გამართა. გაბედავას თქმით, გუშინდელი დღით საზოგადოება კიდევ ერთხელ დარწმუნდა, რომ „ნაციონალური მოძრაობა“, „ევროპული საქართველო“ და „ქართული ოცნება“ არიან შეკრული ძალა და ისინი ხალხის თვალის ასახვევად არიან დაპირისპირებულები. მისივე განცხადებით „ქართული ოცნების „ ყველაზე დიდი დანაშაული ზუგდიდის ციხის დანგრევა არის. გაბედავამ აქცია – პერფორმანსი „ნაც-ქოცების“ ოფიციალურ ქორწილად გამოაცხადა.
გაბედავას თქმით, „ნაციონალური მოძრაობა“, „ევროპული საქართველო“ და „ქართული ოცნება“ ერთი ძალაა. ხოლო „ნაციონალურმა მოძრაობამ“ მიიღო ხელშეუხებლობის გარანტია და დღეს არის მთავარი ოპოზიცია ქვეყანაში.