ცნობილია ვინ მიიყვანა ზუგდიდის ცენტრში მდებარე “საქართველოს ბანკის” ფილიალამდე თავდამსხმელი მანქანით. დავით მატუა შინაგან საქმეთა სამინისტროს, 112-ის თანამშრომელია. მისი ძმა ბაჩანა მატუა ამბობს, რომ შეიარაღებული პირი მას სოფელ კოლხიდასთან, ხიდს ქვემოთ დახვდა და იარაღის მუქარით აიძულა ქალაქის ცენტრამდე მიეყვანა.
როგორც ბაჩანა მატუა ამბობს, შეიარაღებული ადამიანი დავით მატუას ეუბნებოდა, რომ ზედმეტი დიალოგის გარეშე წასულიყო და პირი ქალაქამდე წაეყვანა. კითხვაზე, თუ რატომ არ შეატყობინა პოლიციას მატუამ ამის შესახებ, მისი ძმა ამბობს, რომ როგორც კი უცნობი მანქანიდან ჩამოვიდა, დავითმა 112-ში დარეკვა დაიწყო, ხოლო შემდეგ კი სამსახურის უფროსს შეატყობინა.
ბაჩანა მატუას თქმით,მისი ძმა პოლიციაში უკვე გამოიკითხა და მას გაუთქმელობის ხელწერილზე აქვს ხელი მოწერილი.