პირბადის გამოყენების საჭიროება კორონავირუსის გავრცელების შემდეგ გახდა აუცილებელი. სპეციალისტები გვირჩევენ, რომ პირბადე ამ შემთხვევაში ყველაზე ეფექტური საშუალებაა პრევენციის მიზნით. ზუგდიდის ქუჩებში მოქალაქეები ღია სივრცეში პირბადეს ატარებენ, თუმცა, მისი სწორად მოხმარების წესები არ იციან.
სპეციალისტების განმარტებით, იმ შემთხვევაში, თუ ხმარობთ პირბადეს, საჭიროა დაიცვათ მისი სწორად ხმარებისა და გადაგდების წესები, რათა ნიღბის ხმარება იყოს ეფექტური და ასევე – თავიდან აიცილოთ ვირუსის შემდგომი გავრცელების ნებისმიერი რისკი.მხოლოდ პირბადის ხმარება არ არის საკმარისი ინფექციიების შესაჩერებლად და ამ ქმედების გარდა საჭიროა ხელების ხშირი დაბანა, ხველებისა და ცემინების დროს პირის ღრუს დაფარვა და გაციების ან გრიპის მსგავსი სიმპტომების (ხველა, ცემინება, მომატებული ტემპერატურა) მქონე პირთან კონტაქტის თავიდან არიდება.