რუსეთის პრეზიდენტმა ვლადიმერ პუტინმა განაცხადა, რომ რუსეთს სომხეთის წინაშე გარკვეული ვალდებულებები აქვს აღებული, კოლექტიური უსაფრთხოების ხელშეკრულების (CSTO) ფარგლებში , ,,ჩვენ ყოველთვის ვასრულებდით, ვასრულებთ და შევასრულებთ ჩვენს ვალდებულებებს,მაგრამ საბრძოლო მოქმედებები ჯერჯერობით სომხეთის ტერიტორიაზე არ მიმდინარეობს” – აცხადებს იგი, რითაც მიანიშნებს, რომ აზერბაიჯანის მიერ საბრძოლო ოპერაციის სომხეთის ტერიტორიაზე გადატანისთანავე ჩაერევა საქმეში
ნიკოლ ფაშინიანმა პასუხად კითხვაზე მიიღებს თუ არა სომხეთი რუსეთის სამხედრო მხარდაჭერას განაცხადა :
„ამ კითხვაზე პოლიტიკური თვალსაზრისით ვერ გიპასუხებთ, თუმცა გეტყვით: რუსეთმა დაგვარწმუნა, რომ ამ შემთხვევაში ის შეასრულებს ხელშეკრულებებით ნაკისრ ვალდებულებებს,“- აღნიშნა ნიკოლ ფაშინიანმა.
