„ევროპული საქართველოს“ ლიდერი და ზუგდიდის მაჟორიტარობის კანდიდატი გიგი უგულავა, დღეს ანაკლიაში იმყოფებოდა. ის ანაკლიაში არსებულ ვითარებას გამოეხმაურა და აღნიშნა, რომ ივანიშვილმა რუსების მაამებლობის გამო შეაჩერა ანაკლიის პორტის მშენებლობა, რამაც პრობლემები დაუტოვა ადგილობრივებს. ოდნავი ქარის პირობებში პრაქტიკულად, ქვიშით ივსება მთელი ანაკლია.
უგულავას თქმით, აუცილებლად უნდა მოხდეს ქვიშის კონსერვაცია, ხოლო მთავარი გამოსავალი იქნება აქ პორტის მშენებლობის განახლება და მისი აშენება.