გაძვირებული ცხოვრება, არასაკმარისი შემოსავალი და გაღატაკებული მოქალაქეები – ეს ის რეალობაა, სადაც დღეს ცხოვრება გვიწევს და რაზეც ზუგდიდელები ღიად საუბრობენ. მონაცემები

გამოკითხულთა ნაწილი მიიჩნევს, რომ ეს მთავრობის არასწორი პოლიტიკის ნაწილია. პანდემიის  დროს გაჩერებული ეკონომიკა თავის შედეგებს იმკის, რაც მოსახლეობის „ჯიბეს“ ყველაზე მტკივნეულად ეტყობა.

COVID 19-ის პანდემიით გამოწვეული კრიზისის მიერ ქვეყნის ეკონომიკასა და ადამიანების კეთილდღეობაზე მიყენებული ზიანი ჯერ კიდევ არაპროგნოზირებადი და მზარდია. ექსპერტების აზრით,საზღვრების ჩაკეტვამ, ქალაქებს შორის მოძრაობის აკრძალვამ, საგანგებო მდგომარეობის გამოცხადებამ და სოციალური დისტანცირების მოტივით ეკონომიკური საქმიანობის შეზღუდვამ, – მნიშვნელოვანი დარტყმა მიაყენა ქვეყანას. ცნობისთვის, საქართველოს სტატისტიკის ეროვნულმა სამსახურმა 2020 წლის სექტემბრის მონაცემები გამოაქვეყნა. ანგარიშის მიხედვით, სექტემბერში, წინა თვესთან შედარებით, ინფლაციის დონემ 0.7%, ხოლო წლიური ინფლაციის დონემ 3.8% შეადგინა.