სამოქალაქო პლატფორმა 20/20“ ზუგდიდის ოლქში საუბნო საარჩევნო კომისიების 94 წევრის უფლებამოსილების შეწყვეტას მოითხოვს. როგორც დღეს ზუგდიდში გამართულ ბრიფინგზე სადამკვირვებლო ორგანიზაცია „სამოქალაქო პლატფორმა 20/20“-ის წარმომადგენელმა ალიკა კუპრავამ განაცხადა, კვლევის შედეგად დადგინდა, რომ ეს 94 ადამიანი წინა საერთო არჩევნებში საარჩევნო სუბიექტს წარმოადგენდა, რაც საარჩევნო კოდექსის დარღვევაა.

 „სამოქალაქო პლატფორმის“ პრეტენზიებს საოლქო საარჩევნო კომისიის თავმჯდომარე არ ეთანხმება, მისი თქმით,  საუბნო კომისიების წევრების არჩევა კანონის სრული დაცვით მოხდა.

 “სამოქალაქო პლატფორმა 20/20” ცესკოს მიერ რეგისტრირებულია როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება.