სოხუმის დაცემის დღესთან დაკავშირებით რუხის ციხეში ,ღია ცის ქვეშ,რეგულაციების სრული დაცვით ზუგდიდის დადიანის თეატრმა წარადგინა ბათუმის მონოპიესების ფესტივალისთვის შექმნილი სპექტაკლი “შეჭრა“. მონოპიესა მოგვითხობს ისტორიას, ომის შემდგომ, დევნილობაში მყოფი ქალის თვითგადარჩენისთვის ბრძოლაზე. ეს არის ერთი ქალის–ჯულიეტა კვარაცხელიას ისტორია, რომელიც ზღვისპირა ქალაქ – სოხუმში დაიბადა და დევნილობაში, ზღვისპირა ქალაქ – ბათუმში აგრძელებს ცხოვრებას.
შალვა დადიანის სახელობის ზუგდიდის დრამატულმა თეატრმა ამ სპექტაკლით პატივი მიაგო აფხაზეთის ომში დაღუპულ გმირებს. ასევე მათ საზოგადოების ყურადღება მიაპყრეს ჩვენი ქვეყნის დევნილი მოსახლეობის პრობლემებს და აფხაზებთან მშვიდობიანი თანაცხოვრების სურვილს.