ზუგდიდის ინფექციურ საავადმყოფოს ლაბორატორიაში  სამეგრელო-ზემო სვანეთის მასშტაბით  გამოკვლეული  ნიმუშებიდან კორონავირუსის 5  შემთხვევა დადასტურდა. სამეგრელო-ზემო სვანეთის რეგიონის რწმუნებულის მოვალეობის შემსრულებლის, მალხაზ თორიას განცხადებით, 5 ინფიცირებულიდან 4 ზუგდიდში დადასტურებული შემთხვევის კონტაქტებია. ხოლო  ერთი  ოკუპირებულ აფხაზეთს, კერძოდ, სოფელ საბერიოს კლასტერს მიეკუთვნება.

რაც შეეხება  რუხის საავადმყოფოს, აქ  ამ დროისთვის 58 კოვიდინფიცირებული პაციენტი მკურნალობს, ხოლო რეგიონის საკარანტინე სივრცეში 122 მოქალაქე რჩება.