ზუგდიდში კორონავირუსი 14 ადამიანს დაუდასტურდა. სულ სამეგრელო-ზემოს სვანეთის მასშტაბით ზუგდიდის ინფექციურ საავადმყოფოში 728 ნიმუშის კვლევა ჩატარდა. სამეგრელო-ზემო სვანეთის რეგიონის რწმუნებულის მოვალეობის შემსრულებლის, მალხაზ თორიას ინფორმაციით, სამეგრელოს მასშტაბით კორონავირუსი 17 ადამიანს დაუდასტურდა, საიდანაც 14 იმ ორი შემთხვევის კონტაქტია, რომელიც გუშინ „ოქროს ბირჟასა“ და ეკლესიაში მომუშავე ქალბატონთან დაფიქსირდა.
ამასთანავე, თორიას განცხადებით, გამკაცრდება ზედამხედველობა ბაზრობების, სუპერმარკეტების, მარკეტების და სხვა დაწესებულებებში. რომელთაც მონიტორინგს შესაბამისი უწყებები გაუწევენ. ასევე თორია მუნიციპალიტეტის და რეგიონის ყველა მოქალაქეს, მოუწოდებს დაიცვან ჯანდაცვის სამინისტროს მიერ გაცემული რეკომენდაციები.
ახალ შემთხვევებს შორის არიან მცირეწლოვანებიც. ინფიცირებულები გადაყვანილნი არიან რუხის საუნივერსიტეტო კლინიკაში.