“ევროპული საქართველოს” ზუგდიდის ოფისი 67-ე საოლქო საარჩევნო კომისიას ბრალდებებს უყენებს. პარტიაში ამბობენ, რომ საოლქო საარჩევნო კომისია “ქართული ოცნების” დამატებით შტაბად გადაიქცა, რადგან ყველა ნეიტრალური კომისიის წევრად, მათი მტკიცებით, აირჩიეს პიროვნებები, რომლებიც არიან დაკავშირებულები „ქართულ ოცნებასთან“, ასევე ზუგდიდის მერიის თანამშრომლები, საკრებულოს თანამშრომლები, მერიის ააიპ-ების თანამშრომლები, სკოლის დირექტორები და მასწავლებლები. როგორც კომისიის წევრი “ევროპული საქართველოდან” ბესიკ დონაძე ამბობს, ეს პირები “მონური მორჩილებით” მმართველი გუნდის ნებისმიერ დავალებას შეასრულებენ.
„ევროპული საქართველოს“ ბრალდებებს უპასუხა 67-ე საოლქო საარჩევნო კომისიის თავმჯდომარემ მირანდა მესხმა. მისი თქმით, წევრების არჩევსას პრიორიტეტი მათ პროფესიონალიზმსა და გამოცდილებაზე გაკეთდა.
რაც შეეხება მათ კავშირებს საჯარო სამსახურთან, მესხი ამბობს, რომ მათი პოლიტიკური შეხედულებები ცეესკოსთვის საინტერესო არ არის.