მესტიაში დაუდგენელი პირის მიერ დაჭრილი ქალის მდგომარეობა გაუმჯობესდა. ის მართვითი სუნთქვიდან მოხსნეს. როგორც დაჭრილის ქმარი ამბობს, მას კონკრეტული ვერსია, ვის შეიძლება ესროლა მათი სახლის მიმართულებით, არ აქვს. ერთ-ერთი ვერსიით კი, მომხდარი წლების წინ მომხდარ მკვლელობას უკავშირდება, რომელშიც სწორედ ტარიელ კვიციანი ფიგურირებს. თავად კვიციანი ამბობს, რომ ის ამ საქმეში გამართლდა. ოჯახი გამოძიების შედეგებს ელოდება, სამართალდამცავები კი სავარაუდო დამნაშავეს, მესამე დღეა, ეძებენ