ზუგდიდში, ჩარგაზიას ქუჩაზე ორსართულიანი სახლი დაიწვა. ადგილზე საგანგებო სიტუაციების მართვის სამსახურის რამდენიმე ბრიგადა მუშაობს. უწყების ინფორმაციით, ცეცხლის ლოკალიზება ამ დრომდე ვერ ხერხდება და რჩება რამდენიმე კერა. შემთხვევის შედეგად არავინ დაშავებულა. ადგილზე ასევე მობილიზებულია სასწრაფო სამედიცინო დახმარების ბრიგადა, ასევე იმყოფებიან სამართალდამცავები. ჯერჯერობით ხანძრის გამომწვევი მიზეზი უცნობია.
